Levante-Athletic: Castillok jokatuko du ezker hegalean

Ezker hegala da albiste Athleticen. Koikilik min hartu du, Aurtenetxe ere baja da eta Balenziaga deialditik kanpo geratu da erabaki teknikoa dela eta. Gauzak horrela, Levanteren kontra (larunbatean, 18:00etan) Xabi Castillok jardungo duela pentsa daiteke.

Denboraldion Alcorconen aurka, Kopan, baino ez du jokatu eta Ligan 20 bat minutu, guztira. Nobedadea da Caparrosen zerrendan eta baita Ustaritz, Ocio eta Iturraspe ere.
Deialdia Iraizoz, Toquero, San Jose, David Lopez, Llorente, De Marcos, Gabilondo, Raul, Susaeta, Iraola, Orbaiz, Gurpegui, Javi Martinez eta Muniainek osatzen Athleticen dute.

Ustezko hamaikakoak:

Levante: Reina; Javi Venta, Nano, Ballesteros, Juanfran; Xisco Nadal, Xavi Torres, Pallardo, Juanlu; Caicedo eta Ruben.

Athletic: Iraizoz; Iraola, San Jose, Ocio, Castillo; Susaeta, Javi Martinez, Gurpegui, Gabilondo; Muniain eta Llorente.

Futbol-zelaia: Ciudad de Valencia
Epailea: Gonzalez Gonzalez
Ordua: 18.00