Trabzonspor-Athletic: Multzoen faserako sailkapenaren bila

Erredakzioa

Azken eguneratzea: 2011/08/24 21:14 (UTC+2)

Susaeta hasierako hamaikakoan sar daiteke. Muniain ezkerrean riko da eta Gabilondo gera daiteke hasierako hamaikakotik at. Partida zuzenean eskainiko du eitb.com-ek eta ETB-1ek.

Trabzonspor eta Athletic multzoen faserako sailkapenaren bila Istanbulen. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (3)

Athletic Clubek denboraldi hasierako partida garrantzitsuena du jokoan ostegun honetan Istanbulen. UEFA Europa Leagueko multzoen faserako sailkapena dago jokoan. Joaneko partidan 0-0 berdindu zuten San Mamesen eta Istanbulen jokatuko da itzulerakoa 20:30ean. Partida zuzenean jarraitu ahalko da eitb.com-en eta ETB-1en.

Galatasaryren estadio berrian jokatuko da partida hau. Turkiako zelaiak oso beroak izaten dira, baina Trabzonsporrek ez duenez bere zelaian jokatuko ez dira harmailak beteko. Estadio honetan 52.000 zale sartzen dira, baina sarreren bi herenak bakarraik saldu dira.

Athleticen hamaikakoari dagokionez ez da aldaketa handirik izango joaneko partidarekin alderatuta. Susaeta sar daiteke hasierako hamaikakoan. Horrenbestez, Muniainek ezkerrean joka dezake eta Gabilondo izan daiteke aulkian geratu daitekeen jokalaria.

Ustezko hamaikakoak:

Athletic Club: Iraizoz; Iraola, San Jose, Amorebieta, Aurtenetxe; Javi Martinez; Susaeta, Iturraspe, Herrera, Muniain; eta Llorente.

Trabzonspor AS: Zengin; Celustka, Glowacki, Kaçar, Yumlu; Zokora, Balci; Paulo Henrique, Brozek, Alanziho; eta Altintop.

Epailea: Knut Kircher (Alemania).
Zelaia: Türk Telecom Arena (Istanbul).
Ordua: 20:30ean.