Athletic Club
Trabzonspor, Championsera
Athletic sailkatuta dago Europa Leagueko multzoen faserako
A.B.
Erredakzioa
UEFAk erabaki du Fenerbache Txapeldunen Ligatik at uztea eta Trabzonsporrek hartuko du bere tokia. Ondorioz, ez da Trabzonspor-Athletic partida jokatuko eta zuri gorriak sailkatuta daude.
UEFAk gaur erabaki du ostegun honetan jokatu beharreko Trabzonspor-Athletic partida bertan behera uztea. Arrazoia da Fenerbache Txapeldunen Ligatik at utzi dutela ustez partidak erosteagatik Turkiako Ligan eta hauen tokia Trabzonsporrek beteko du. Ondorioz, Athleticek UEFA Europa Leaguerako multzoen faserako txartela eskuratu du automatikoki.
Bere webgunean publiko egin du UEFAk albiste hau. Turkiako Federazioak erabaki du Fenerbacheri Txapeldunen Ligan parte hartzea debekatzea ustez Turkiako Liagn partida ugari erosi dituelako. Beraz, Turkiako Ligako bigarren sailkatua izan den Trabzonsporrek jokatuko du Txapeldunen Liga Fenerbacheren tokia hartuta.
"UEFAk erabaki du Trabzonspor-Athletic partida bertan behera uztea. Talde turkiarrak Txapeldunen Liga jokatuko du eta ondorioz, play-offean bere aurkaria den Athletic sailkatuko da Europa Leaguerako multzoen faserako", esan du UEFAk ohar baten bitartez.
