Primera Iberdrola Ligako Athletic Club - Atletico Madril partida, bertan behera covid-19arengatik

EITB Media

Publikatuta: 2021/12/21 17:29 (UTC+1) Azken eguneratzea: 2021/12/21 17:29 (UTC+1)

Asteazkenean Lezaman jokatzekoa zen partida atzeratzea erabaki du Espainiako Futbol Federazioak, Madrilgo taldean covid-19an hamar positibo antzeman baitituzte.

Iragan denboraldiko Atletico Madril - Athletic Club partidako irudia. Argazkia: EITB Media

Whatsapp
Whatsapp
telegram
twitt
Bidali
Esteka kopiatu

Albisteak (3)

Asteazken honetan, abenduaren 22an, Lezaman jokatzekoa zen Primera Iberdrola Ligako hamabosgarren jardunaldiko Athleticen eta Atletico Madrilen arteko partida bertan behera geratu da, Madrilgo taldean covid-19an hamar positibo antzeman baitituzte.

Atletico Madrilek hamar positiboen berri eman dio Espainiako Futbol Federazioaren Lehiaketa Batzordeko epaileari. Agerraldiaren ondorioz, epaileak erabaki du norgehiagoka atzeratzea.

Espainiako Futbol Federazioak jakinarazi duenez, partida noiz jokatu ahal den esango du ondorengo egunetan, egoerak ahalbidetzen duenean.