Athletic Club
Real Madril-Athletic
Aduriz: 'Partida ona egiteko asmoarekin goaz Bernabeura'
Erredakzioa
Athleticeko aurrelariaren ustez, "faktore gutziak alde izan behar dituzu Real Madrilen aurka emaitza on bat lortu ahal izateko".
"Partida ona egiten ari zarela uste duzu, baina edozein momentutan gola egiten dizute, eta minutu gutxitan gol mordoa har ditzakezu", gaineratu du Athleticeko aurrelariak Real Madrilen erasoko jokoaren inguruan.
Azken urteetan Athleticen aurka Bernabeun adierazi diren penaltiez galdetu diote Adurizi, eta erantzun hau eman du aurrelariak: "Jokalari onak eta azkarrak dituzte. Mugaraino eranaten zaituzte, eta normala da penaltiak behartzea".
Santiago Bernabeuk ez dizkio Adurizi oroitzapen onak ekartzen: "Mallorcarekin emaitza on bat atera genuela uste dut, baina Real Madrilek ez zuen ezer jokoan. Zelai zailenetakoa da, jokalari onenak dituen talde baten aurka jokatuko dugu, eta badakigu zailtasun maila oso handia izango dela".
