Eibarrek Gaizka Garitanoren Deportivoren aurka hasiko du Liga

Eibarrek Riazorren emango dio hasiera 2016-17 denboraldiari, Gaizka Garitanok zuzentzen duen Deportivoren aurka. Garitano izan zen, hain zuzen, Eibar Lehen Mailara igo zuena 2014. urtean, klubeko historian lehen aldiz, eta berarekin egin zuten debuta maila gorenean.

Denboraldi-aurrean jokatutako partidetan zortzi fitxaketa berriek taldera egokitzeko aukera izan dute: Rubén Peña (Leganes), Florian Lejeune (Manchester City/Girona), Jordi Calavera (Tarragonako Nastic) –Lugon utzita-, Christian Rivera (Real Oviedo), Pedro León (Getafe), Yoel Rodríguez (Valentzia/Rayo Vallecano), Tiago Manuel Dias Correia 'Bebé' (Benfica/Rayo Vallecano) eta Alejandro Gálvez (Werder Bremen).

Armaginek garaipen batekin hasi dute beti txapelketa, 2014ko maiatzean Lehen Mailara igo zirenetik.

Mendilibarrek bi baja dauzka, lesioengatik: Gorka Escalante argentinarra (aurreko denboraldian pilatutako txartelengatik) eta Florian Lejeune frantziarra (igoera faseko azken partidan kanporatu zuten, Gironarekin jokatzen zuenean). Gainera, Ruben Peñak arazo fisikoak dauzka.

Ustezko hamaikakoak:

Coruñako Deportivo: Lux; Juanfran, Albentosa, Sidnei, Navarro; Guilherme dos Santos, Pedro Mosquera; Carles Gil edo Çolak, Fayçal Fajr, Bruno Gama; eta Lucas Pérez.

Eibar: Riesgo; Capa, Gálvez edo Dos Santos, Ramis, Antonio Luna edo David Juncà; Dani García, Rivera, Adrián; Pedro León, Kike García edo Sergi Enrich eta Bebé.

Epailea: Mario Melero López (andaluziarra).

Estadioa: Riazor.

Ordua: 22:00etan.