Eibar
Igandean, 12:00etan
Eibarrek lehen aldiz irabazi nahi dio Vila-reali Lehen Mailan
Erredakzioa
Norgehiagoka igande honetan jokatuko da Ipuruan, 12:00etan. Castelloko taldeak ez du porrotik jaso Ligan, ezta Europa Ligan ere.
-
Iragan denboraldiko Vila-real vs. Eibar partidako irudia. Argazkia: EFE
Eibarrek lehenengoz irabazi nahi dio Vila-reali Lehen Mailan eta aukera igande honetan izango du Ipuruan, 12:00etan. Armaginek garaipena nahi dute Espanyolen aurkako berdinketa ahazteko. Vila-realek azken bi partidak irabazi egin ditu.
Jose Luis Mendilibar entrenatzaileak 23 futbolari jokatzeko prest izango ditu, baina aste honetan arazoak izan dituzte Alexander Mesa 'Nano'k, Fran Ricok eta Ivan Ramisek.
Bestalde, Vila-realek ez du denboraldi honetan partidarik galdu Ligan ezta Europa Ligan. Roberto Soldadoren bajaz gain Alexandre Pato, Daniel Bonera eta Ivan Ramis jokalariak ere baja izango dira Ipuruan. N'Diaye eta Rukavina deialditik at utzi ditu. Denis Cheryshev, aldiz, jokatzeko prest egongo da.
Ustezko hamaikakoak:
Eibar: Riesgo; Capa, Dos Santos edo Ramis, Lejeune, Antonio Luna; Pedro Leon, Escalante edo Fran Rico, Dani Garcia, Bebe edo Ruben Peña; Sergi Enrich eta Kike Garcia.
Vila-real: Asnejo, Mario, Musacchio, V. Ruiz, Jose Angel; Bruno, Trigueros, Castillejo, Jonathan edo Roberto Soriano; Sansone, Bakambu edo Borre.
Epailea: David Fernandez Borbalan.
Ordua: 12.00.
Zelaia: Ipurua.
