Munduko futbol txapelketapelketa
C multzoa
Hegoafrika 2010: AEB eta Ingalaterra, sailkatuta
Erredakzioa
Estatubatuarrek 1-0 irabazi diote Aljeriari Donovanek azken minutuan lortutako gol bati esker. Ingalaterrak Eslovenia bikain bati 0-1 irabazi dio.
AEBak eta Ingalaterra dira C multzoan Munduko Txapelketako final-zortzirenetarako sailkapena lortu duten bi taldeak. Esloveniak eta Aljeriak etxerako bidea hartu behar izan dute.
Amerikako Estatu Batuek azken minutuan lortu dute final-zortzirenetarako txartela (1-0), Aljeriari sartutako golari esker. Donovan beteranoak erdietsi du gola. Afrikarrek, maila txukuna eskaini badute ere, txapelketatik at gelditu dira.
Ingalaterrak Eslovenia (0-1) mendean hartu du, sailkapena erdietsi duten garaipen bakarrarekin lortuz. Defoeren golak, aurreko bi jardunaldietan lortutako berdinketekin batera, balio izan du final-zortzirenetarako sailkapena lortzeko. D multzoko lehen sailkatuarekin izango dute kanporaketa.
Eslovenia oso ondo aritu da, eta era bikainean esan dio agur Hegoafrika 2010eko Munduko Txapelketari.
Eslovenia-Ingalaterra (0-1):
0-1Defoe Min 22
AEB-Aljeria (1-0):
1-0
Donovan Min 91
