Osasuna (Juanfran): "Hasieratik irabaztera zelairatuko gara"

Iragan asteburuan txartel pilaketaren ondorioz partida bateko zigorra bete ostean, Juanfranek hasieratik jokatuko du berriz asteburu honetan, Nafarroako Erresuman Zaragozaren aurka jokatu beharreko norgehiagokan: "Oso partida garrantzitsua da, gogotsu gaude eta badakigu hurrengo bi partidak irabaziz gero ia salbatuta izango garela. Oso baikor gaude, eta lehendabiziko minututik garaipenaren bila zelairatuko gara", esan du Juanfranek igandeko partidaren inguruan. Jokalari gorritxoaren aburuz Zaragozak asko egin du hovera azken hilabeteetan, eta une honetan lehen itzulian baino talde sendoagoa da Juanfranen ustez, baina hala eta guztiz ere Osasunak irabazi beharra daukala esan digu: "Tarte polita daukagu jaitsiera postuekiko, baina irabazi ezean oraindik arazoetan sar gaitezke, eta hori ekiditeko lehenbailhen garaipenak batzea da gakoa", esan du Crevillenteko jokalariak.