Osasuna: Gorri guztien elkartasuna eskatu du Walter Pandinik

Malagaren bisitari begira, Camacho Osasunako entrenatzaileak probak egiten dihardu, besteak beste Camuñasen lekua bete behar duelako. Fernando Soriano eta Masoud Shojaei jokalariek dituzte Camuñas ordezkatzeko aukera gehien.

Osasuna jaitsiera postuetan da, eta Malaga oso ondo ari da etxetik kanpo. Gorri guztien elkartasuna eskatu du Walter Pandinik. "Bide berean joan beharra daukagu, zuek ere (kazetariei). Hemengo hainbat hedabidek ez dute egoerak eskatzen duen mailan jardun. Gauza asko entzun eta irakurri ditut eta bakoitzak bere harri-koskorra ekarri behar du, ez dago zertan azken unera arte itxaron behar".