Osasuna
Adierazpenak
Nino: 'Taldeak abantaila garrantzitsua lortu du'
Erredakzioa
Denboraldiko aurreneko helburua lortzeko Osasunak 'soilik hiru pausotxo' eman behar dituela esan du aurrelari gorritxoak. Ninok golak lortzeko gogo handiak dituela adierazi du.
-
Nino. Argazkia: EITB
Osasuna taldeko Juan Francisco Martinez ‘Nino’ aurrelariak lau hilabete golik lortu gabe eramatea arraroa egiten zaiola onartu du gaur prentsaurrekoan. Hala ere, Iruñeko taldea laguntzeko golak lortzen saiatuko dela argi utzi du.
"Gola lortzeko beti dauzkat gogoak. Beti eskuratu izan ditut gol asko eta hainbeste hilabete golik lortu gabe egotea arraroa egiten zait. Ez da erraza, baina gainditu behar dut bolada ona hartzeko" azaldu du Almeriako jokalariak.
"Abantaila garrantzitsua lortu dugu. Ezin ditugu aukerak pasatzen utzi. Hiru pausotxo soilik eman eta gero beste helburu batzuk jarri beharko ditugu" adierazi du Ninok.
