Osasuna
Kopako finala
Gaur egingo diete harrera Osasunako jokalariei, Iruñean
Agentziak | EITB Media
Udalak eta Foru Gobernuak Osasunako zuzendaritzako eta taldeko ordezkariak hartuko dituzte astelehen honetan, Sevillatik itzulita, Errege Kopan txapeldunorde geratu ostean.
Osasunako zuzendaritzako eta plantillako ordezkariek Iruñeko Udalaren eta Nafarroako Gobernuaren harrerak jasoko dituzte gaur, Errege Kopan txapeldunorde geratu ostean.
Zuzendaritzako eta taldeko kideak atzo 12:00etan abiatu ziren Sevillatik, eta, hegaldia atzeratu ostean, azkenean 15:00ak aldera iritsi ziren Noaingo aireportura. Bertan, ehunka zale zituzten zain, eta harrera egin zieten.
Gaur, 17:00etan, harrera egingo diete Iruñeko udaletxean klubeko zuzendaritzari, Luis Sabalza presidentea tartean, eta taldekideei, David Garcia eta Unai Garcia kapitainak buru direla.
Geroago, 18:00etan, Osasunako zuzendaritza eta kapitainak Nafarroako Jauregiko Tronuaren Aretora joango dira, Foru Gobernuaren harreran parte hartzeko.
