Futbola
Azkena
Bihotzekoak emateko moduko jardunaldia
Erredakzioa
Alavesek garaipena behar du Jaenen, eta ondoren aurkarien emaitzak lagun izan beharko ditu.
Alavesek hil edo biziko partida jokatuko du larunbat honetan Jaenen aurka (18:30). Gasteiztarrek salbazioa izango dute jokoan, Adelante Ligako azken jardunaldian. Garaipena behar du, eta ondoren aurkarien emaitzak lagun izan beharko ditu.
Girona eta Jaen taldeekin berdinduta dago Alaves sailkapen nagusian, 48 punturekin, eta lehen mailari eustea puntu bakarrera dute hirurek.
Real Madril Castilla, Mirandes, Mallorca, Ponferradina eta Lugo taldeentzat ere jardunaldi erabakigarria izango da. Bihotzekoak emateko moduko jardunaldia izango da asteburu honetakoa.
Alavesek Jaen gainditu behar du, halabeharrez, eta baita Gironaren eta Real Madril Castillaren porrotak ere. Hala ere, aukerak ugariak dira. Toti baja izango da Jaenen.
