Futbola
Errege Kopa
Bartzelona eta Sevilla, finalerdietako tramitea gainditzera
Erredakzioa
Barçak Mestallan jokatuko du Valentziaren aurka asteazkenean (21:00). Katalanek 7-0 irabazi zuten joaneko partida. Bestalde, ostegunean jokatuko da Celta-Sevilla (4-0, joanekoan) partida, 20:30ean.
-
Finalerdietako joaneko Bartzelona-Valentzia (7-0) partidako irudia. Argazkia: EFE
Asteazken eta ostegun honetan jokatuko dira Errege Kopako finalerdietako itzulerako partidak. Joaneko norgehiagoketetan ia erabakita geratu ziren kanporaketak. Bartzelonak eta Sevillak finala oso gertu dute.
Barçak 7-0 irabazi zion Valentziari joaneko partidan eta asteazken honetan jokatuko dute itzulerako partida, Mestallan, 21:00etan. Beste finalerdian, aldiz, Sevillak 4-0 irabazi zion Celtari joaneko partida. Galiziarren eta andaluziarren arteko itzulerako lehia ostegun honetan jokatuko da Balaidosen, 20:30ean.
Finalerdietako itzulerako partidak:
Otsailak 10, asteazkena
Valentzia-Bartzelona (21:00etan)
Otsailak 11, osteguna
Celta-sevilla (20:30ean)
