Futbola
Txipreko Liga
Imanol Idiakez izango da AEK Larnaka taldeko entrenatzaile berria
eitb.eus
Teknikari gipuzkoarrak zuzenduko du Txipreko taldea denboraldi amaierara arte. Astelehenean kargugabetu zuten Andoni Iraola ordezkatuko du karguan.
-
Imanol Idiakez. Argazkia: @AEK_LARNAKA
Imanol Idiakez izango da AEK Larnaka taldeko entrenatzaile berria. Txipreko klubak astearte honetan jakinarazi duenez, bi aldeak aurre-akordiora iritsi dira, eta asteazkenean itxiko dute kontratua, taldeak jokatuko duen Kopako partidaren ostean.
Astelehenean Andoni Iraola kargugabetu zuen AEK Larnakak, eta beste euskal teknikari batek ordezkatuko du. Ez da Imanol Idiakezek AEK Larnaka zuzentzen duen lehen aldia izango, Txipreko taldeko entrenatzailea izan baitzen 2016ko uztailetik 2018ko ekainera arte.
