Futbola
Zozketa
Barakaldo-Hercules playoffean eta Jumilla-Real Union playoutean
A.B.
Talde bizkaitarrak Lasesarren jokatuko du lehen kanporaketako joaneko partida, eta Jose Rico Perezen itzulikoa. Talde gipuzkoarrak, Murtzian jokatuko du joaneko neurketa, eta Stadium Galen itzulikoa.
-
Barakaldo C.F. Argazkia: EiTB
Astelehen honetan zozketatu dira Bigarren Mailara igotzeko play-offetako kanporaketak. Zozketa, Espainiako Futbol Federazioaren Las Rozaseko (Madril) Futbolaren Hiriko Luis Aragones Aretoan egin da.
Barakaldo da Bigarren B Mailatik Bigarren Mailara igotzeko kanporaketak jokatuko dituen euskal talde bakarra, eta Hercules izango du aurkari lehen kanporaketan. Joaneko partida Lasesarren (Barakaldon) jokatuko da maiatzaren 25-26ko asteburuan, eta itzuliko neurketa Jose Rico Perez estadioan jokatuko da, ekainaren 1-2ko asteburuan.
Bestalde, Real Unionek mailari eusteko kanporaketa jokatu beharko du, eta Jumilla izango du aurkari. Joaneko partida Murtzian jokatuko da maiatzaren 25-26ko asteburuan, eta itzulikoa Stadium Galen (Irun) izango da, ekainaren 1-2ko asteburuan.
Multzoko txapeldunen arteko kanporaketak:
Racing Santander - Atletico Baleares
CF Fuenlabrada - Recreativo Huelva
Igoera playoffetako lehen kanporaketa:
Barakaldo C.F. - Hercules
Badajoz - Logroñes
Real Madrid Castilla - Cartagena
S.D. Ponferradina - U.E. Cornella
Vila-real B - Melilla
Atletico Madril B - Mirandes
Hirugarren Mailara ez jaitseko play-outetako kanporaketak:
Jumilla - Real Union
Celta B - Alcoyano
