Futbola
Real Madril - Bartzelona
Real Madrilek lehen postua berreskuratu du, Bartzelona 2-0 garaitu ondoren
AGENTZIAK | ERREDAKZIOA
Vinicius Juniorrek eta Mariano Diazek sartu dute gola, norgehiagokaren bigarren zatian.
-
Real Madrileko jokalariek gola ospatu dute. Argazkia: EFE
Real Madrilek Bartzelona 2-0 garaitu du Vinicius Junior eta Marianoren golei esker eta lehen postua berreskuratu du.
Lehenengo gola 71. minutuan iritsi da, Vinicius Junior brasildarraren eskuz. Ezker hegaletik jokaldi indibiduala egin du eta bere jaurtiketak Pique jo du atean sartu aurretik.
Bigarren gola luzapenean sartu du Mariano Diazek, Ligan denboraldi honetako bere lehen norgehiagokan. Umtitiz abiaduraz ihes egin du eta Ter Stegen atera den heinean jaurtiketa gurutzatu eta gola sartu du.
Garaipenarekin Real Madrilek sailkapenaren lehen postua berreskuratu du eta orain 56 puntu ditu, Bartzelonak baino puntu bat gehiago.
