Levante-Valentzia: Levantek oso zail du aurrera egitea

Levante ostegun honetan arituko da Valentziaren kontra, Errege Kopako final-laurdenetako itzulerako partidan. Kanporaketa ia erabakita dago, Unai Emeryren taldeak lau eta bat irabazi baitzuen joaneko partidan. Hori dela eta, Valentzian denboraldian aukera gutxi izan dituzten jokalariak arituko dira.

Levantek, berriz, hainbat baja izango ditu; Juanlu Gómez, Valmiro Lopes 'Valdo', José Javier Barkero eta Keylor Navas minduta daude eta Pedro Lopezek parte hartuko ote duen zalantzan egongo da ostegunera arte.

Hala ere, baliteke Levanteko entrenatzaileak Pedro Botelho eta Oscar Serrano aste honetan heldu diren jokalariak zelairatzea.

Balizko hamaikakoak:

Levante: Munúa, Venta, Ballesteros edo Nano, Cabral, Del Horno, Pallardó, Iborra, Xavi Torres; El Zhar, Rubén Suárez; Roger edo Rafa Jordá.
Valencia: Alves, Barragán edo Bruno, Víctor Ruiz, Dealbert, Jordi Alba; Albelda, Tino Costa, Feghouli, Bernat; Jonas eta Aduriz.