Futbola
Eurokopako finala
Casillas: 'Faboritoak garenik ez dugu pentsatzen'
Erredakzioa
Italiarrek "talde oso ona" dutela pentsatzen du selekzioko kapitainak. Bestalde, Espainiak "historia egiten jarraitu" nahi duela adierazi du Xavi Hernandezek.
-
Iker Casillas eta Xavi Hernandez prentsaurrekoan. EFE
"Italiak Espainiari eskainitako laudorioak eskertzen ditut, baina beraiek oso talde ona dute. Ondorioz, Alemania kanporatu izana ez da ezustekoa. Finalerako sailkapena era ezin hobean lortu zuen, bere ezaugarriak aprobetxatuta. Zertan jokatzen duten badakite, indartsuak dira. Finaleko faboritoak garenik ez dugu sekula pentsatu, guztiz kontrakoa", azaldu du prentsaurrekoan.
Bestalde, Espainiak "historia egiten jarraitu" nahi duela adierazi du Xavi Hernandez erdilariak. Taldea tituluak irabazteko "gosearekin jarraitzen" duela ohartarazi du Xavik.
"Finala da, eta gozatu behar dugu. Eurokopako final bat jokatzeko ez zara egunero sailkatzen. Guretzako bigarrena izatea eta gauza asko irabazi izana zorte bat da. Ongi jokatzeko gogo handia dugu eta taldeak tituluak irabazteko gosearekin jarraitzen du", esan du.
