Gaizka Garitano, Almeriako entrenatzaile berria

Gaizka Garitano da Almeriako entrenatzaile berria, klubak igande honetan, urriaren 8an, jakinarazi duenez. 48 urteko bilbotar entrenatzaileak 2025eko ekainaren 30era arteko kontratua sinatu du.

Garitanok esperientzia handia du, talde hauek zuzendu baititu bere ibilbidean: Eibar B, Eibar, Valladolid, Deportivo, Bilbao Athletic eta Athletic Club. Bizkaitarrak Eibar zuzendu zuen 2021-2022 eta 2022-2023 denboraldietan. Gainera, bi sasoi horietan igoera lortzetik gertu egon zen armaginekin, baina, azkenean, ez zuen lortu maila gorenera igozteko helburua.

Almeria EA Sports Ligako (1. Maila) sailkapeneko azken postuan dago 3 punturekin, oraindik ez du norgehiagokarik irabazi eta salbaziotik 5 puntura dago. Azken bi jardunaldietan Alberto Lasarte izan da Almeriako entrenatzailea. Lehenago, Vicente Moreno kargugabetu zuen Andaluziako klubak.