Reala
Gaur, 22:00etan
Europako trena ez galtzeko Almerian irabazi behar da
Erredakzioa
Realarentzat partida "zaila" izango dela uste du Carlos Velak, bi taldeek helburu garrantzitsuak dituztelako: donostiarrek Europa dute helburu, andaluziarrek, berriz, lehen mailan jarraitzea.
-
Carlos Vela, Realeko jokalaria. Efe.
Carlos Vela Realeko aurrelariaren ustez, talde txuri-urdinak emaitza ona lortuko dute Almerian, nahiz eta etxeko taldeak "hiltzeraino" borrokatzea espero duen, jaitsieratik ateratzeko.
Velak "indartsu" ikusten ditu andaluziarrak etxean; Atletico Madril gainditu zuten, besteak beste. Realak partidari indartsu ekin behar duela uste du jokalariak.
Realeko aurrelariak partida "zaila" espero du bi taldeek helburu garrantzitsuak dituztelako: donostiarrek Europa dute helburu, andaluziarrek, berriz, lehen mailan jarraitzea.
Ustezko hamaikakoak
Almeria: Esteban; Rafita, Trujillo, Torsiglieri, Mane; Jonathan Zongo, Verza, Soriano, Corona, Aleix Vidal; eta Oscar Diaz.
Reala: Bravo; Carlos Martinez edo Zaldua, Iñigo Martínez, Mikel, De la Bella; Bergara, Zurutuza, Canales; Griezmann, Vela eta Agirretxe.
Epailea: Ayza Gamez
