Reala
Ezustekorik ez
Carlos Buenok ez du Realan jarraituko
ETB
Songo'o, Emilio Nsue eta Sergio Rodriguez jokalariek ere alde egingo dute. Mikel Aranburuk eta Josu Esnaolak, bestalde, kontratua berritu dute.
Ez da ezustekorik izan, baina Realak kaleratutako zerrendak zenbait zalantza argitu ditu. Adibidez, Carlos Buenok ez du talde txuri-urdinean jarraituko. Uruguaitarra izan da taldeko golegile nagusia, 12 egin ditu, Martin Lasarteren gustokoa da, baina Llorente fitxatuta, ez dugu lehen mailan elastiko txuri-urdina jantzita ikusiko. Emilio Nsuek ere ez du datorren denboraldia Realarekin hasiko eta Mallorcara itzuliko da.
Argi zegoen utzitako beste biek, Jonathan Estradak eta Frank Songook, ez zutela jarraituko. Zerrendako bosgarrenari, Sergio Rodriguezi, kontratua amaitu zaio. Errioxarrak 2 urte egin ditu Donostian.
Jon Esnaola atzelariari berriz, urtebeteko kontratua egin diote. Litekeena da datorren urtean beste talde batean utzita jokatzea. Bestalde, Mikel Aranburu kapitainak beste urtebetez luzatu du Realarekin duen kontratua 2012ko ekainera arte hain zuzen ere.
