Reala-Real Madril (1-2): Txuri-urdinen lehen porrota

Realak ezin izan du Real Madril gainditu, nahiz eta gehiago izan diren partida osoan zehar. Donostiako taldeak gol aukera anitz izan ditu, baina gaurkoan aurrelariak ez dira fin ibili. Di Mariak lortu du 0-1ekoa 50. minutuan, Tamudok 1-1ekoa lortu du 61. minutuan eta Cristiano Ronaldok egin du azkenengo 1-2koa.

Donostiarrek ederki hasi dute lehen zatia, etsaiari beldurrik gabe aurre eginez, eta joko ona erakutsiz. Madrildarrek gola ahalik eta lasterren sartu nahi izan dute, baina Claudio Bravok ezin hobeto gelditu ditu jaurtiketa ezberdinak. Txileko atezaina sendo egon da lehen zatiko lehen minutuetan. Griezmannek aukera ederra izan du 1-0ekoa lortzeko baina bere burukada gutxigatik joan da kanpora. Martin Lasarteren mutilek gola bilatzen jarraitu dute eta abagune ugari sortu dituzte Casillasen ate inguruan. Aukera onena Tamudok izan du 30. minutuan, baina aurrelari txuri-urdina ez da heldu Xabi Prietoren erdiraketara.

Gipuzkoarrek lehen zati bikaina jokatu dute, Madrilgo taldea baino askoz gehiago izan baitira, baina ezin izan dira markagailuan aurretik jarri.

Bigarren zatian, Mourinhoren taldea partidaren erritmoa apurtzera irten dira eta Reala atzean sartzea lortu dute zuriek. Madrildarrek kontraerasoa bilatu dute etengabe eta horrela partidako lehen gola heldu da 50. minutuan. Di Mariak jokaldi eder bat egin du ezker hegaletik eta zartako bikaina batez Bravo gainditu du 0-1ekoa jarriz. Gipuzkoarrek ederki erantzun diote 0-1ekoari eta aukerak sortzen jarraitu dute. Abagune horietako batean, Tamudok berdinketa lortu du, 1-1ekoa jarriz. Griezmannek erdiraketa bikain jarri du area barnean eta Tamudok belaunarekin baloia ate barrura bultzatu du. Etxekoek baloiaren jabetza kontrolatu dute baina Cristiano Ronaldok falta jaurtiketa batean 1-2koa jarri du 74. minutuan, baloiak harresian jo eta gero.

Talde txuri-urdinak azken unera arte borrokatzen jarraitu du baina Xabi Prietok eta Griezmannek ezin izan dituzte haien aukerak gauzatu. Donostiarrek ez dute Madrilek izan duen sortea izan eta punturik gabe irten dira Anoetatik.

Fitxa teknikoa:

1.- Reala Bravo, Carlos Martinez, Ansotegi, Mikel Gonzalez, De la Bella; Rivas, Aranburu (Sutil, min. 79), Xabi Prieto, Griezmann, Zurutuza (Viguera, min. 66); Tamudo (Agirretxe, min. 76).

2.- Real Madril: Casillas; Marcelo, Carvalho, Pepe, Sergio Ramos; Xabi Alonso, Kedhira, Ozil (Lass, min. 76); Cristiano Ronaldo, Di Maria (Granero, min.79), Higuain (Benzema, min. 89).

Golak: 0-1, min. 50: Di Maria. 1-1, min. 61: Tamudo. 1-2, min. 73: Cristiano Ronaldo.