Joseba Llorente: 'Tamudok golak sartzea ona da guztiontzat'

Raul Tamudo Realeko aurrelaria bolada onean da eta Joseba Llorentek bizkarreko arazoak gainditu dituen arren Mallorcaren aurka hasierako hamaikakoan izateko aukera gehiago ditu Tamudok Llorentek baino.

Tamudok ateak itzi dizkio euskal aurrelariari eta Llorentek badaki katalanak berak baino aukera gehiago dituela hasierako hamaikakoan izateko. Talde Zubietan entrenatu aurretik honakoa esan du Llorentek: "Poztu egiten naiz Tamudok golak sartzen dituelako, hori guztiontzat mesedegarria baita".

Llorentek bere lesioa gainditu du eta ondo dagoela adierazi du. Bere ustez, porrot batek (Real madrilen aurkakoak) ez dakar ondamendia. "Badakigu zein den gure tokia Lehen Mailan. Helburu beragatik borrokan ari diren taldeen multzoan gaude eta taldetxo horretako lehenak edo bigarrenak izan beharra daukagu", gaineratu du Joseba Llorentek.