Reala
Erreginaren Kopa
Realaren eta Bartzelonaren arteko Kopako final-laurdenetako partida martxoaren 16an jokatuko da, 20:45ean
EITB Media
Espainiako Futbol Federazioak Erreginaren Kopako final-laurdenetako partiden datak eta ordutegiak publikatu ditu.
-
Primera Iberdrola Ligako Reala - Bartzelona partidako jokaldi bateko irudia. Argazkia: EFE
Realaren eta Bartzelonaren arteko Erreginaren Kopako final-laurdenetako partida martxoaren 16an (asteazkena) jokatuko da, 20:45ean, Zubietan. Hala jakinarazi du astelehen honetan Espainiako Futbol Federazioak.
Txuri-urdinek aurkari gogorra izango dute aurrean, Bartzelona Primera Iberdrola Ligako, Txapeldunen Ligako eta Erreginaren Kopako egungo txapelduna baita. Realari aurkari zailena egokitu zaiola esan liteke.
Martxoaren 16an jokatuko dira Tenerife - Sevilla (16:00etan) eta Levante - Real Madril (18:30ean) kanporaketak ere. Bestalde, Madril CFF eta Sporting Huelva taldeen arteko lehia hilaren 17an izango da, 17:00etan.
Erreginaren Kopako final-laurdenetako partiden datak eta ordutegiak:
Martxoak 16, asteazkena:
Tenerife - Sevilla (16:00etan)
Levante - Real Madril (18:30ean)
Reala - Bartzelona (20:30ean)
Martxoak 17, osteguna:
Madril CFF - Sporting Huelva (17:00etan)
