Vela: 'Ez dakit datorren denboraldian hemen jarraituko dudan'

Carlos Vela Realeko aurrelari mexikarrak bere etorkizunari buruz hitz egin du prentsaurrekoan eta ez du argi utzi Realean jarraitzeko asmoa duen edo ez. Argi eta garbi utzi duena Arsenalera ez duela itzuli nahi izan da.

"Lehen helburua taldeak salbazioa lortzea da eta ahalik azkarren, hobe. Denboraldiko momentu onenean aurkitzen naiz eta nire maila onena ematen ari naizela uste dut. Oraindik futbol asko daukat eskaintzeko eta erakusti egin nahi dut" esan du Carlos Velak.

Aurrelari mexikarrak honakoa gaineratu du ber etorkizunaren inguruan: "Hemen gustora aurkitzen naizela galdetzen badidazu, baietz esango dizut. Baina, bertan jarraituko dudan galdetzen badidazu, erantzuna baiezkoa edo ezezkoa izan daiteke. Wengerrek du azken hitza. Saldu nahi banaute niretzat aukera onena zein den erabakiko dut eta Arsenalen geratzea nahi badute, borroka egin beharko dut ez baitut Arsenalen geratu nahi".