Txapeldunen Liga
Final-zortzirenak
Burua 'klasikoan' duela hartuko du Schalke 04 taldea Real Madrilek
Erredakzioa
Chelseak, bestalde, Galatasarayren aurka jokatuko du. Didier Drogba jokalaria Stamford Bridgera itzuliko da, baina aurkariekin jokatzeko.
-
Cristiano Ronaldo eta Gareth Bale, entrenamendu batean. Efe.
Real Madrilek 1-6ko emaitza alde duela hartuko du Schalke 04 Santiago Bernabeu zelaian, lasaitasun osoz. Gauzak horrela, Carlo Ancelottik aldaketak egin ahal izango ditu, Bartzelonaren aurka Ligan jokatuko duten 'klasikoari' begira.
Bost goleko errentari esker, madrildarrek indarrak gorde ahal izango dituzte Ligako lehen postuetan duten borrokan buru-belarri aritzeko. Ancelottik aldaketa ugari egingo ditu hasierako hamaikakoan, eta titularrei seriotasunez aritzeko eskatu die. Garaipena lortu eta irudi ona eman nahi du italiarrak.
Chelseak, bestalde, Galatasaray hartuko du. Didier Drogba Stamford Bridgera itzuliko da, 2012an Chelsea taldea utzi zuenetik lehen aldiz.
Jose Mourinhoren taldeak 1-1eko emaitza lortu zuen Istanbulen, eta, hain zuzen, Drogba izango da turkiarren arrisku nagusia.
