Chelsea harrotu batek txapelduna hartuko du Stamford Bridgen

Erredakzioa

Azken eguneratzea: 2012/04/17 18:58 (UTC+2)

Bartzelonak Stamford Bridge bisitatuko du asteazken honetan. 'Blue' taldeak mendekua hartzeko aukera du. Neurketa zuzenean jarraitu ETB-1en eta eitb.com-en 20:45etik aurrera.

01:03

Whatsapp
Whatsapp
telegram
twitt
Bidali
Esteka kopiatu

Albisteak (2)

Bideoak (1)

Stamford Bridgen oroitzapen onak ditu Barçak

Informazio gehiago (1)

Chelsea-Bartzelona zuzenean jarraitu ETB-1en eta eitb.com-en 20:45etik aurrera

Bartzelonak Chelseari bisita egingo dio asteazken honetan, Stamford Bridgen. Europako bi handi aurrez aurre izango dira Txapeldunen Ligako finalerdietako joaneko neurketan. 2009ko 'Iniestazo'a gogoan dute ingelesek oraindik eta txapeldunaren aurrean mendekua hartzeko aukera du 'blue' taldeak. Norgehiagoka zuzenean jarraitzeko aukera izango duzue ETB-1 eta eitb.com-en.

2009an Iniestaren golak Erromako finalerako sailkapena eman zien Pep Guardiolaren mutilei, baina oraingoan Stamford Bridgek ez du erabakiko, Camp Nouk baizik. Horregatik Barçak emaitza ona lortu nahi du gero hainbeste ez sufritzeko.

Bartzelonak jarraian jokatuko duen bosgarren finalerdia da, eta Londreseko taldea finalerako bidean berriz aurkitzea erabaki zuen zozketak. Finala Municheko Allianz Arenan jokatuko da aurten.

Villas-Boas kaleratu eta gero Roberto di Matteok hartu zuen Chelsearen makila eta taldeko oilarrak hamaikakora itzuli dira. Horrela, Chelseak hobetu egin du eta arerio arriskutsua bihurtu da.

Ustezko hamaikakoak:

Chelsea: Cech; Bosingwa, Terry, Cahill, Cole; Essien, Lampard; Ramires, Mata, Sturridge; eta Drogba.

Bartzelona: Valdes; Alves, Pique, Puyol, Adriano; Busquets, Xavi, Cesc; Alexis, Messi eta Iniesta.

Epailea: Felix Brych (ALE).
Estadioa: Stamford Bridge.
Ordua: 20:45.