Itxi

X-deportes_tour de francia-X

X-deportes_tour de francia-X

Frantziako Tourra 2023

Bosgarren etapa

Andre Greipelek bigarren garaipena eskuratu du

Erredakzioa

Tropelak etapako azkenengo metroetan hartu ditu lau iheslariak, eta Lotto-Bellisol taldeko esprinterrak Matthew Goss (Greenedge) eta Juan José Haedo (Saxo Bank) gainditu ditu.

02:28
Andre Greipel azkarrena izan da Saint-Quentineko helmugan

Andre Greipelek (Lotto-Belisol) Frantziako Tourrean bigarren garaipena jarraian eskuratu du. Alemaniarrak itzuliko laugarren eta bosgarren etapak irabazi ditu, eta Fabian Cancellara suitzarrak (Radio Shack) sailkapen nagusiko lider jarraitzen du.

Mark Cavendish munduko txapeldunak ezin izan du atzoko erorikoaren ostean garaipena lortu, eta britainiarrak bosgarren postuarekin konformatu behar izan du. Greipelen atzetik Matthew Harley Goss(Greenedge) eta Juan Jose Haedo argentinarra (Saxo Bank) gelditu dira.

Helmugatik ia hiru kilometrora beste eroriko bat izan da, eta Peter Sagan (Liquigas) eta Tyler Farrar (Garmin) esprinterrak lurrera joan dira, beste askoren artean.

Eguneko ihesaldia Matthie Ladagnous (FDJ) eta Julien Simon (Saur-Sojasun) frantziarrek, Pablo Urtasun (Euskaltel-Euskadi) nafarrak eta Jan Ghyselinck (Cofidis) belgikarrak osatu dute, baina tropelak ondo kontrolatuta izan ditu. Hala ere, esprinter nagusien taldeak azkeneko kilometroetan erlaxatu egin dira, eta etapako azkeneko kilometrora aurretik heldu dira iheslariak. Pablo Urtasunek saiakera egin du azkenengo metroetan, baina tropelak helmugatik 300 metro ingurura hartu du Euskaltel-Euskadiko txirrindularia.

Sailkapen nagusian Fabian Cancellara suitzarrak Bradley Wigginsekin eta Sylvain Chavanelekin 7 segundoko aldea izaten jarraitzen du.

5. etapa:

1 Andre GREIPEL GER LTB 4:41:30
2 Matthew Harley GOSS AUS OGE +0
3 Juan Jose HAEDO ARG STB +0
4 Samuel DUMOULIN FRA COF +0
5 Mark CAVENDISH GBR SKY +0
6 Tom VEELERS NED ARG +0
7 Oscar FREIRE GOMEZ ESP KAT +0
8 Alessandro PETACCHI ITA LAM +0
9 Sebastien HINAULT FRA ALM +0
10 Yohann GENE FRA EUC +0
11 Bauke MOLLEMA NED RAB +0
12 Matthieu LADAGNOUS FRA FDJ +0
13 Borut BOZIC SLO AST +0
14 Kenny Robert VAN HUMMEL NED VCD +0
15 Egoi MARTINEZ DE ESTEBAN ESP EUS +0
16 Janez BRAJKOVIC SLO AST +0
17 Samuel SANCHEZ GONZALEZ ESP EUS +0
18 Bradley WIGGINS GBR SKY +0


Sailkapen nagusia:

.1. Fabian Cancellara (SUI/RadioShack) 5h.05:32
.2. Bradley Wiggins (GBR/Sky) 07 segundora
.3. Sylvain Chavanel (FRA/Omega Pharma) d.b.
.4. Tejay van Garderen (USA/BMC)  10
.5. Edvald Boasson Hagen (NOR/Sky) 11
.6. Denis Menchov (RUS/Katusha)  13
7. Cadel Evans (AUS/BMC)  17
8. Vincenzo Nibali (ITA/Liquigas)  18
9. Ryder Hesjedal (CAN/Garmin) d.b.
10. Andreas Kloden (ALE/RadioShack) 19