Publizitatea
Itxi

2020/05/27

16:50

kultura

Koronabirusa

Getxok uztaileko jazzaldia eta iraileko folk-jaialdia bertan behera utzi ditu

Agentziak | Erredakzioa

Halaber, urrian egitekoa zen Komiki Azoka, Nazioarteko Folklore Jaialdia, Habanera Jaialdia, Getxo Magik magia-jaialdia eta udako liburutegiak ere bertan behera utzi dituzte.

  • Joe Lovano, Getxoko Jazzaldi batean, artxiboko irudian

    Joe Lovano, Getxoko Jazzaldi batean, artxiboko irudian. EiTBko bideo batetik hartutako argazkia.

  • Whatsapp
  • Whatsapp
  • Telegram
  • Bidali

Getxoko Kultur Etxeak jakinarazi duenez, uztailaren 1etik 5era egitekoa zen Getxoko Nazioarteko Jazzaldia eta irailaren 25etik 27ra egitekoa zen Nazioarteko Folk Jaialdia bertan behera utzi dituzte.

Ohar batean, Getxoko Kultur Etxeak adierazi du udako ohiko programazioa bertan behera uztea erabaki duela, COVID-19ak Euskadin sortutako egoera aztertuta; beraz, horrek eragina du irailaren 15era arte aurreikusita zeuden ekitaldi eta jarduera guztietan.

Besteak beste, uztailaren 1etik 5era bitartean egitekoa zen 44 Nazioarteko Jazzaldia utzi dute bertan behera (Euskadiko jazzaldi-denboraldiari hasiera ematen dio Getxokoak), bai eta San Lorentzoko merkatua ere.

Halaber, haien garrantziagatik, 36 Nazioarteko Folk Jaialdia eta hemeretzigarren Komiki Azoka ere bertan behera geratu dira, nahiz eta irailaren 15etik aurrera egitekoak ziren; hain zuzen ere, irailaren 25etik 27ra eta urriaren 2tik 4ra egin behar zituzten, hurrenez hurren.

Horrez gain, udaran ohikoak izaten diren beste hainbat ekitaldi eta jarduera utzi dituzte bertan behera: Nazioarteko Folklore Jaialdia, Habanera Jaialdia, Getxo Magik magia-jaialdia, udako liburutegiak, eta Muxikebarri zentrorako aurreikusita zegoen programazioa.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak derrigorrezkoak dira garraio publikoan, baita kalean eta leku itxietan ere, bi metroko segurtasun-tartea bermatu ezin bada.
  • Bisitatuena

      Kargatzen ikusiena
      Kargatzen ikusiena
    ;