Gipuzkoako Foru Aldundiak 2013. urtetik aurrera loteria sarien gaineko zergak % 21 eta % 25 artean kokatzea erabaki du. Estatuko gainerako lurraldeetan, aldiz, % 20koa izatea adostu zen.

Sistema berria 2013.urtetik aurrera jarriko da indarrean eta hortaz, ez dio eragingo Gabonetako Loteriari, baina bai Erregeetako Loteriari.

Sarituek irabazitakoaren arabera ordainduko dute; % 21, 2.500 eta 4.000 euro bitarteko sarietan; % 23, 4.000 eta 12.500 euro artekoetan; eta % 25, 12.500 euro baino gehiagokoetan.

Bestalde, zerga salbuespena izango dute hainbat pertsona edo talderen artean partekatutako loteria txartel sariduna dutenek; horien dirua saridunen artean banatuko da, inongo zergarik ezarri gabe.

Horrela, Aldundiak zerga-presioa handituko du, eta zerga-sistema berdina ezarriko die ondasun mozkinei.

Bizkaia

Bizkaiko Foru Aldundiak Estatuak agindu bezala arautuko du loteria gaineko zerga-sistema. Jose Luis Bilbao ahaldun nagusiak esan duenez, urtea bukatu baino lehen onartuko dute sistema hori. Bestalde, horrekin bildutako dirua, Foru Ogasunarentzat baino, Estatuarentzat dela azpimarratu du.