Joseba Arguiñano Sukalerrian
13:15ean
Mikel Manterola sukaldari oriotarrarekin izango da gaur Joseba Arguiñano
EiTB
Horrez gain, Berako Sarobe gozotegiko txokolate eta bonboi bereziak dastatuko dituzte "Joseba Arguiñano Sukalerrian" saioan.
-
Joseba Arguiñanok sukalde kontuak ekartzen ditu egunero. Argazkia: EiTB
Gaur eguerdian, Mikel Manterola Orioko Joxe Mari jatetxeko sukaldaria hartuko dute gonbidatu "Joseba Arguiñano Sukalerrian" saioan. Jatetxeko plater berezia prestatuko du: Bisigua Orioko erara. Halaber, Berara joango dira, Sarobe gozotegira, eta bertan egiten dituzten txokolate eta bonboi bereziak dastatuko dituzte. Eta Nafarroatik Bizkaira, Durangaldera joango dira, Garaiko Etxeita baserrira; magurdiekin egiten dituzten produktuak erakutsiko dituzte bertan: marmeladak, ozpinak eta garagardoak.
"Joseba Arguiñano Sukalerrian" 13:15ean dago ikusgai, ETB1en eta eitb.eus-en.
