Irekiako erabiltzaile batek Urkulluren gorbataren korapiloa kritikatu du

Iñigo Urkullu lehendakariaren gorbataren korapiloak herritar batek Irekian, Eusko Jaurlaritzak herritarrekin komunikazio zuzena izateko duen webgunean, iradokizun bat erregistratzea eragin du, izan ere, euskal herritar guztien ordezkari modura "hain gaizki geratzen zaion Windsor estiloa modernoago bategatik" aldatzeko eskatu dio.

Miguel Antoniok egindako iruzkina Euskadiko buruaren, "gure lehendakari Urkulluren", gorbataren korapiloak egilean duen ezinegonetik etorri da.

Halere, Miguel Antoniok uste du bakoitzak nahi duela egin dezakeela janzkera-estiloari dagokionez, baina honako hau adierazi beharra ikusi du: "Urkulluren gorbataren korapiloak ez du arreta handia deitzen itsusia izateagatik bakarrik, baita guztiz desfasatuta dagoelako ere".

Ez da hor geratu, Irekiako erabiltzaileekin eta Eusko Jaurlaritzarekin partekatu du lehendakariaren gorbataren zati hori ikusteak burura honako hau dakarkiola: "Espainia sakonetik Bilbora edo Donostiako ezkontza batera datorren artzain edo ahuntzaina, ekitaldi hauetarako duen traje bakarra jantzi eta dakien korapiloa egiten duela, duela hainbat hamarkada aitak erakutsi ziona, Windsorra".

"Baztertu hain gaizki geratzen zaizun Windsor estiloa, eta estilo modernoago baten aldeko apustua egin, italiarrera jo, adibidez", eskatu dio Urkulluri.

Iruzkinak ez du ez aldeko ez kontrako iritzirik jaso, baina Lehendakaritzatik erantzun azkarra eman diote, "iradokizunagatik" eskerrak emanez.