2016ko aurrekontua uztailean itxiko duela esan dio Espainiak Bruselari

Espainiako jarduneko Gobernuak 2016ko Estatuko aurrekontu orokorra uztailean ixteko konpromisoa hartu du Bruselaren aurrean, gastu publikoa kontrolatzeko. Hori dela eta, kontuak zorrotz egin beharko ditu, inolako ezohiko gasturik gehitu gabe.

Defizita murrizteko helburua ez betetzeagatik, Espainia zigortzeko prozesua abiarazteko erabakia iragarri zuten atzo Europar Batasuneko Ekonomia ministroek. Isuna saihestu nahi du Espainiak, aurrekontuak uztailean itxita eta hala jakinarazi dio Bruselari.

Espainiako jarduneko Gobernuak hainbat neurri hartuko ditu, besteak beste, enpresa handiek ordaindu beharreko Sozietateen Gaineko Zergaren igotzea (6.000 milioi euro biltzea aurreikusi du) eta iruzur fiskalari aurre egiteko bitarteko berriak ezartzea, 1.000 milioi euro bideratuta.