Espainiako ekonomia % 0,8 hazi da lehen hiruhilekoan

Espainiako ekonomia % 0,8 hazi da urteko lehen hiru hilabeteetan, aurreko hiruhilekoko datuekin alderatuta; aurreko bi hiruhilekoetan baino hamarren bat gehiago, Estatistika Institutu Nazionalak (INE) aurreratu dituen datuen arabera.

Barne Produktu Gordinaren urteko aldaketa % 3koa izan da urteko lehen hiruhilekoan, iaz laugarren hiruhilekoan izan zuen tasa bera.

Espainiako Bankuarentzat, lehen hiruhilekoko ekonomiaren hazkundea aurreikusitakoa baino hobea izan da, enpleguaren indarrari esker. Barne eskariaren bultzadari mesede egingo dio horrek, eta, batez ere, etxeetako kontsumoari.

Horregatik, 2017rako aurreikuspena hiru hamarren igo dute, % 2,8raino. Nazioarteko merkataritzaren jokabide hobeak eta inportazioen dinamismo baxuagoak eragin dute erabaki hori.