Ekonomia -
Lan-ezbeharrak
Gizonezko bat hil da lan-istripu batean Irunen
1:40 aldera gertatu da ezbeharra, Alay plastiko enpresan lan egiten zuen 50 urteko gizonari pisu handiko zaku bat gainera erori zaionean.
agentziak | erredakzioa
50 urteko gizonezko bat hil da gaur Irungo Benta kaleko enpresa batean izandako lan istripuan, Eusko Jaurlaritzaren Segurtasun Sailak jakitera eman duenez.
01:40 aldera izan da ezbeharra, Alay plastiko enpresan lan egiten zuen gizonari pisu handiko zaku bat gainera erori zaionean. Lekuan bertan hil da kolpearen ondorioz.
Langilearen gorpua Donostiako auzitegi-medikuarenera eraman dute autopsia egin diezaioten.
Aste honetan EAEn lan-istripu batean hil den hirugarren pertsona da Irungoa; izan ere, aurreko astelehenean 44 urteko gizon bat hil zen Bedian (Bizkaia), eta ordu batzuk geroago beste bat hil zen Azpeitian (Gipuzkoa).
