Bajaren lehen egunetik soldata oso-osorik kobratuko dute funtzionarioek

Eusko Jaurlaritzak indarrean jarri du joan den irailean Funtzio Publikoko Mahaian sindikatuekin egindako akordioa.

LAB sindikatuak Eusko Jaurlaritzaren aurrean egindako elkarretaratze bat. Artxiboko argazkia: EFE

AGENTZIAK | ERREDAKZIOA

azken eguneratzea: 2019/09/10 13:37 (UTC+2)

Araba, Bizkaia eta Gipuzkoako funtzionarioek (ia 90.000 langile) bajaren lehen egunetik soldata oso-osorik jasoko dute, Eusko Jaurlaritzaren Kontseiluak jakinarazi duenez. 2018ko irailaren 1era arteko atzeraeragina izango du neurriak.

Erabaki honek 1,6 milioi euroko eragina izango du administrazio publikoaren diru-kutxan. Eusko Jaurlaritzak ziurtatu du neurriak "berme juridiko guztiak" betetzen dituela eta "bideragarria" dela.

Joan den irailean egindako Funtzio Publikoko Mahaian sindikatuekin adostutako neurria da. Horrez gain, soldatak % 1,75 igotzea eta Itzarrira % 1eko ekarpenak egitea hitzartu zuten bilera hartan.

Hau zure interesekoa bada, baliteke beste gai hauek ere izatea

Eusko Jaurlaritza Euskal Autonomia Erkidegoa Lana Funtzionarioak Ekonomia Albisteak Sindikatuak Soldatak gaur

Bajaren lehen egunetik soldata oso-osorik kobratuko dute funtzionarioek

Esteka kopiatuta