Ekonomia -
Bizkaia
Aste Nagusia beste ertzain-etxeetako ertzainekin sendotzea salatu du ErNEk
Bideozaintzako kameren aurrean hamabi orduko lanaldiak egin behar dituztela dio eta dagoeneko laneko gainkargarekin datozela.
Agentziak | Erredakzioa
Eusko Jaurlaritzako Segurtasun Sailak Bilbo beste ertzain-etxeetako ertzainekin sendotu nahi izatea salatu du ErNE sindikatuak Bizkaiko hiriburuko jaietan.
Zehazki, Getxoko, Sestaoko eta Durangoko ertzain-etxeetako pertsonala eskatu da Aste Nagusiko jai esparruetan jarriko diren bideozaintza kameren zaintza estaltzeko.
Lana Bilboko Miribilla auzoko Udaltzaingoaren instalazioetan egin beharko da. Horretarako, bideozaintza kamerak erabiltzeko "formakuntza txiki bat" emango zaie.
Ertzainen faltari eta Bilboko ertzain-etxeko lan kargari "gabeziak beste ertzain-etxeetako pertsonalarekin estaltzea" gehitzea salatu du ErNEk.
Sindikatuak "segurtasun publikoaren funtzionamendua bermatzeko neurriak hartzea" eskatu dio Segurtasun Sailari.