Gizartea -
Gertakaria
Sute batek hiru auto kiskali ditu Zornotzan
Gainera, sugarren beroak kalteak egin ditu etxebizitzetako eta lokaletako leiho eta pertsianetan ere.
eitb.eus
Sute batek hiru auto kiskali ditu Zornotzan (Bizkaian), goizaldean, Segurtasun Sailak jakinarazi duenez.
Argitzeko dauden arrazoiak tarteko, sua 04:20 aldera hasi da Mercedes auto batean, Bizkargi kalean, eta, ondoren, beste bi auto harrapatu ditu suak: Renault Megane bat eta Citroen Xsara bat.
Gainera, sugarren beroak kalteak eragin ditu etxebizitzetako eta lokaletako leiho eta pertsianetan.
Suhiltzaileak bertaratu dira, eta 06:00etarako itzali dute sua.