Gizartea -
Gertakaria
Gizonezko batek Gasteizko ikastetxe bateko umeei eraso egin die kalean
Irakasleak lagunduta, Florida zinemetara zihoazela, gizonezkoak neska-mutilen aurka egin du ezustean.
RADIO EUSKADI | ERREDAKZIOA
Gizonezko bat atxilotu dute Gasteizen, zenbait umeri eraso egitea egotzita, Radio Euskadik jakinarazi duenez.
Gertakariak Prado kalean jazo dira, Gasteizko ikastetxe bateko ikasleak Florida zinemetara zihoazela, eskolaz kanpoko jardunaldietan. Irakasleak lagunduta, zebrabide bat igarotzen hasi dira eta une horretan gizonezkoak umeen aurka egin du.
Udaltzaingoaren patruilak bertaratu direnean, udaltzainei ere eraso egin die. Atxilotuta eraman dute. Gutxienez lau neska-mutilek jasan dituzte kolpeak. Datozen orduetan jarriko dituzte salaketak.
Hau zure interesekoa bada, baliteke beste gai hauek ere izatea