Gizartea -

Istiluak

Marseillako ultrek istiluak eragin dituzte Bilboko erdigunean

Ertzaintzak bost pertsona atxilotu ditu. Gainera, hiru pertsona zauritu dira, tartean bi ertzain.

Ertzaintza, Marsellako ultren aurka oldartzen. Argazkia: Oscar Ferreiro Baron (@Argiduna)
Ertzaintza, Marsellako ultren aurka oldartzen. Argazkia: Oscar Ferreiro Baron (@Argiduna)
Marseillako ultrek eragindako istiluak Bilboko erdigunean

AGENTZIAK | ERREDAKZIOA

Whatsapp Facebook Twitter Telegram Email

Olympique Marseillako ultrek istiluak eragin dituzte Bilboko erdigunean, eta Ertzaintzak bost pertsona atxilotu ditu, Polizia autonomikoak eitb.eus-i baieztatu dionez.

Lau atxilotu frantziarrak dira eta bestea italiarra. Guztiei desordena publikoak egotzi dizkiete.

Zauritutakoei dagokienez, horietako bat 28 urteko Athletic zalea da, eta Basurtuko Ospitalera eraman behar izan dute. Beste bi zaurituak ertzainak dira.

16:30ean, Frantziatik etorritako hainbat erradikal kalteak egiten eta hainbat pertsonari erasotzen hasi dira San Mamesetik gertu; Rodriguez Arias, Maria de Diaz de Haro eta Poza Lizentziatua kaleetan zehazki.

Ondoren, ultrek Athleticeko zaleei aurre egin diete, Ertzaintza heldu arte.

Juan Mari Aburto Bilboko alkateak esan du gertatutakoa "lotsagarria" dela.

Athletic eta Marseilla 19:00etan neurtu dira San Mamesen, Europa Ligako itzuleko partidan. Joanekoan ere istiluak izan ziren Frantzian, bi taldeetako ultren artean.

Estadioaren barruan ere, frantziar ultrek arazoak sortu dituzte, eta hainbat bengala piztu dituzte.

Bilbo Marsella San Mames istiluak EFE

Argazkia: EFE

istiluak Bilbo Olympique (argazkia: Oscar Ferreiro Barón)

Argazkia: Oscar Ferreiro Baron

 

Hau zure interesekoa bada, baliteke beste gai hauek ere izatea
Athletic Futbola albisteak Bilbo berriak Bizkaiko albisteak Euskal Autonomia Erkidegoa albisteak Gizartea bideoak Gaurko azken ordukoa