Gizartea -
Nafarroa
Sute batek kalte handia egin du Mezkirizko etxe batean
Sutea tximiniatik hasi da zabaltzen, eta suhiltzaileak bertaratu direnerako etxearen lehenengo solairuan eta teilatuan zeuden garrak.
agentziak | erredakzioa
Sutea piztu da 05:53 aldera Mezkirizko etxe batean eta kalte handia egin du, Nafarroako Gobernuak jakitera eman duenez.
Abisua ordu horretan jaso dute Nafarroako Larrialdi Zerbitzuek, eta ondoren Auritzeko eta Cordovillako suhiltzaileak bertaratu dira.
Sutea tximinia batean piztu da, eta suhiltzaileak iritsi direnerako etxearen lehenengo solairuan eta teilatuan zeuden garrak.
Sutea kontrolatu ondoren, suhiltzaileak bertan geratu dira guztiz itzali arte eta hondakinak ateratzen.