Errei bat zabaldu dute AP-8an Deban, Bilborako noranzkoan

AP-8 autobidea erabat itxita izan da hainbat orduz Deban, Bilborako noranzkoan, kamioi bat irauli ostean, Eusko Jaurlaritzako Segurtasun Sailak eitb.eus-i jakinarazi dionez.

Istripua 10:50 aldera gertatu da Deban, autobideko 59. kilometroan. Oraindik argitzeke dauden arrazoiak tarteko, egurra zeraman kamioia irauli egin da.

Ezbeharraren eraginez, kamioiaren gidaria zauritu egin da, eta Mendaroko ospitalera eraman dute.

Errepidea itxita egon da 14:30ak pasatxo arte. Bien bitartean, trafikoa N-634 errepidetik, Itziartik, bideratu dute.