Gizartea -
Zirkulazioa
Bilboko bikote bat hil da auto-istripu batean, Burgosen
Dirudienez, autoa errepidetik irten da eta zuhaitz bat jo du, Valle de Mena udalerrian.
eitb.eus
Bilboko bikote bat hil da auto-istripuz Valle de Menan (Burgos), EiTBk jakin ahal izan duenez.
Dirudienez, autoa errepidetik irten da eta zuhaitz bat jo du.
Medina de Pomarreko Guardia Zibila bertaratu da eta bere gain hartu du gertatutakoaren ikerketa, baina litekeena da gidariak arreta galdu izana.
Bikoteak bigarren etxea Burgoseko Merindadeetan zuen. CL-629 errepidean hil dira, Espainiako Gobernuak Gaztela eta Leonen duen Ordezkaritzak baieztatu duenez.
Ezbeharra 10:45 aldera gertatu da 103,8 kilometroan. Bi pertsonak ibilgailu barruan harrapaturik geratu dira.
