Gizartea -
Gertakaria
Sute batek Bretxako denda baten zati bat kiskali du, Donostian
Zaintzaile bat artatu behar izan dute kea arnastu baitu. Gainerako dendek ez dute kalterik izan.
Agentziak | Erredakzioa
Donostiako Bretxako merkatuan bart izandako sute batek denda baten zati bat kiskali du, Gipuzkoako hiriburuko suhiltzaileek jakinarazi dutenez. Zaintzaile bat artatu behar izan dute, kea arnastuta arin intoxikatu baita.
Ezbeharra 23:30ean jazo da, Bretxako tindategi batean, iturrion arabera.
Abisua jasotakoan, Ertzaintza eta Donostiako suhiltzaileak bertaratu dira.
Zaintzaile bat kea arnastuta intoxikatu da, eta, badaezpada, Donostiako Ospitalera eraman dute.
Sutea izan den dendaren zati bat kaltetu da. Azoka kez bete da, baina gainerako saltokiek ez dute kalterik izan.