Gizartea -
'Food trucks'
Gasteizek saltoki-ibilgailuen salmenta ibiltaria onetsi du
Araudiaren azken aldaketak espazio publikoan merkataritzako formula berriak erabiltzeko bide emango du, saltoki-ibilgailuak, esaterako.
Agentziak | Erredakzioa
Tokiko Gobernu Batzarrak Gasteizen Salmenta Ibiltaria arautzeko Ordenantzaren berrikuspena onetsi du gaur goizean. Araudiaren azken aldaketak espazio publikoan merkataritzako formula berriak erabiltzeko bide emango du, saltoki-ibilgailuak, esaterako. Orain arte, hedatuz doazen jarduerak, food-truck direlakoak, esaterako, espazio pribatuetan baino ezin ziren garatu.
"Salmenta Ibiltariari buruzko aldaketak bereziki helburu batekin egingo dira: garai berrietara egokitzea. Azken urteetan kalean saltzeko formatu berriak agertzen ari dira, saltoki-ibilgailuak, esaterako, eta errealitate hori udal araudian jaso beharra dago", adierazi du alkateorde Borja Belandiak.
Saltoki-ibilgailuak edo antzekoak baliatzeko deialdi publiko bat egingo da, eta bertan zehaztuko da zein lekutan jarri ahalko diren eta zein baldintza bete behar den dagokion baimena eskuratzeko.
Beste aldaketa garrantzitsu bat Udalak jarduera horretarako ematen duen baimenaren iraunaldia luzatzea da, hiru urtetik lau urtera.
Azkenik, salmenta ibiltariari buruzko ordenantzaren berrikuspenak jarduera horretarako erreserbatutako eremuekin lotutako beste alderdi batzuk aldatuko dira, eta txosnekin lotutako artikulu guztiak kenduko, Jendaurreko Ikuskizun eta Jolas Jarduerei buruzko 10/2015 Legeak arautzen dituela uste baita.