Gizartea -
Ereagan atxilotu dute
Debekatutako noranzkoan gidatu eta alkohol-maila hirukoiztu du Getxon
21 urteko gizonezkoak 0,75 miligramo litroko alkohol-maila eman du proban. Gidaria atxilotu dute bide segurtasunaren aurkako delitu bat egotzita.
Agentziak | Erredakzioa
21 urteko gidaria atxilotu dute goizaldean, Getxon (Bizkaia), baimendutako alkohol-maila hirukoiztu eta debekatutako noranzkoan gidatzen harrapatu ondoren, Udaltzaingoak jakitera eman duenez.
Atxiloketa Ereaga auzoan egin dute 05:30 aldera. Debekatutako noranzkoan zihoan ibilgailua gelditu eta gidariari alkoholemia-proba egin diote.
21 urteko gizonezkoak 0,75miligramo litroko alkohol-maila eman du proban. Gidaria atxilotu dute bide segurtasunaren aurkako delitu bat egotzita.
Hau zure interesekoa bada, baliteke beste gai hauek ere izatea