Bederatzi lagun arin zauritu dira Orozkon, istripu batean

Bederatzi lagun arin zauritu dira Orozkon, autobus batek eta ibilgailu batek talka eginda, Eusko Jaurlaritzako Segurtasun Sailak eitb.eus-i jakinarazi dionez.

Ezbeharra 07:45 aldera jazo da BI-2522 errepidean, lineako autobus batek eta ganadua atoian zeraman orotariko ibilgailu batek talka egin dutenean.

Suhiltzaileak, anbulantziak eta larrialdi zerbitzuak bertaratu dira istripua izan den tokira.

Kolpearen ondorioz, bederatzi lagun arin zauritu dira. Badaezpada, horietako sei ospitalera eraman dituzte.

Ertzaintzak ibilgailuak txandaka bideratu behar izan du ibilgailuak erretiratu dituzten arte.