Kantabria, Gipuzkoak zaborra botatzeko baimena 'laster' eskatzeko zain

Gipuzkoako Hondakinen Kontsortzioarekin (GHK) lanean jarraitzen dutela ziurtatu du gaur Eva Diaz Tezanos Kantabriako presidenteordeak. GHKk Kantabrian zaborrak botatzeko baimena formalki “laster, segur aski datozen egunetan”, eskatzea espero du Ingurumen kontseilariak.

GHKren eskaera formala jaso arte akordioaren baldintzak aldatu diren jakitea ezinezkoa dela azpimarratu du presidenteordeak. Konkretuki, datozen lau urteetan Merueloko zabortegiak 50.000 tona hondakin hartzeko akordioa adostu zuten bi lurraldeek.

Zentzu horretan, GHKk azkenean eskatzen duena “ikusteke” dagoela esan du Diaz Tezanosek, “hondakinak beste toki batzuetara eramateko aukerak bilatu izana gerta litekeelako”.

Eskakizun formalaren zain

“Eskaera formal” hori “datozen egunetan” heldu daitekeela azaldu du Kantabriako buruzagiak. Ondoren edukiaren berri eman eta Kantabriako Parlamentuari igorriko diote.

Hala, akordioa lehenengo Parlamentutik pasa behar dela gogorarazi du berriro Ingurumen kontseilariak, Ganberan ordezkaritza duten taldeek (PP, PRC, PSOE, Podemos eta Ciudadanos) iritzia emateko.