Gizon bat atxilotu dute Bilbon, beste bati labanaz eraso diolakoan

36 urteko gizon bat atxilotu dute Bilbon, beste gizon bati laban batez eraso egin diolakoan, Eusko Jaurlaritzako Segurtasun Sailak jakinarazi duenez.

Erasoa joan den igandean, arratsaldeko zortzi eta erdiak aldera gertatu zen, Bilboko Bruno Mauricio Zabala kalean. Erasotzaileak laban "handi" batekin eraso egin nahi zion kalean zegoen beste gizon bati.

Segurtasun lanetan ari ziren ertzainak bi gizonen arteko borroka ikusi eta hori geldiaraztera joan ziren. Momentu horretan, erasotzaileari labana eskuetatik kentzea eta arma lurrera botatzea lortu zuen biktimak, baina osasun zerbitzuen laguntza behar izan zuen, eskuetan zauriak zituelako.

Beharrezko frogaketen ostean, ertzainek ustezko erasotzailea atxilotu zuten, hilketa ahalegina egotzita.